Shillong: Hadien ba ka seng ki nongrep ka Hills Farmer Union ( HFU) ka la pynbna ba kan don ka jingkhang iew die jhur namarba kan pynlong jingialang lashai ka sngi, u Acting Syiem ka Hima Mylliem u Pa’iem Ainam Manik Syiem u la ong ba lashai ka sngi ka 5 tarik u naiwieng ka iew ka dei ban iaid beit kumba ka ju long manla ka sngi. U la ong ba ka Hima Mylliem kam don jingtip eiei ia kata ka jingpynlong jingialang ka HFU. U Pa’iem u la kyntu ia ki nongrep ba ki dei ban ia die ia thied bad ban pynlong iew kumba ki ju leh manla ka sngi.