29 jingialang MUPSTA

Shillong,25lyngkot:
Ka Seng ki Nonghi kai “Meghalaya Upper Primary School Teachers Associations” (MUPSTA) kan pynlong ia ka General Meeting na ka bynta ka West Khasi Hills District bad ka South West Khasi Hills District ha ka 29 tarik u kyllalyngkot 2014 ha Ri Khasi Free Morning School, Nongstoin ha ka por 11:30 mynstep. Katei ka jingialang kan long ban ia kren na ka bynta kumno ban pynshai shuh shuh ia ki mat trei kam bad jingiakhih jong ka seng haduh kine ki sngi. Yn ia kren ruh ia shibun ki lad ki lynti kumno ban nang pynkhlain ia ki jingtrei kam jong ka seng ha kine ki thain West bad South West Khasi Hills District. Ka seng ka kyrpad ia baroh ki para nonghikai Upper Primary School kiba hap ha ka lama jong ka MUPSTA ba kin sngewbha ban pyllait por ban wan khnang sha katei ka jingialang khnang ba ki jingthmu bad ka thong jong ka seng kan long kaba jop. Ka seng ka la khot sngewbha ruh ia ki nongkitkam jong ka Joint Action Committee of All Teachers Associations of Meghalaya (JACATAM) West bad South West Khasi Hills District ban ia don lang ha katei ka sngi shi bynta kum ka jing ai mynsiem lem ia ki para nonghikai kiba hap ha ka lama jong ka MUPSTA. Ka seng ka la pyntip ruh sha kito ki para dkhot ki bym ioh shithi lane ki jingpyntip ba kin shim ba kane ka khubor ka long ka jingpyntip ia ki.