Kyndit U bah Antonio, ba u khlem mih kyrteng “Nga pan tiket tang manga, ngan ioh beit ”

Shillong,24K’lyngkot:
Ka thup kyrteng kaba nyngkong ki kyrtong Congress, ka la pynkyndit thret ia ki paidbah ban iohi, ba ha ki ar tylli ki kon stitwensi kaba ka tei ka seng ka la don lypa la u jong u MDC, hynrei baroh ar ngut ki MDC, kim shym la paw kyrteng bad la buhteng ban pynbna ia ki kyrteng jong ki. La iohi ba ha Nongkrem Konsti twensi u Bah Lambor Malngiang , u MDC ka Congress, um shym la paw kyrteng katba ha Laitumkhrah pat u bah Antonio War uba long ruh u EM ba bat ia ka pla tyngka ka KHADC um shym la mih kyrteng.
Namar katei ka jinglyngngoh ba u Bah Antonio War kat u EM ka KHADC um pat shym la ioh tiket haduh mynta U Rupang u la ioh ban ia kren da ka phone bad u, ha kaba ma u ruh u la pynpaw ia ka jinglyng ngoh ba um shym la mih kyrteng. Hynrei u la ong ba lehse ka lah ban long ba kim pat pynbna bad u ong ba u don ka jingkyr men ba skhem ba ka tiket kan leit beit sha u. ‘Nga pan tiket tang nga marwei, ym don nongpan tiket-ka tiket lei ngan ioh beit ma nga’ ong u Bah Antonio. La sngewthuh ba ha ka jingiakren ka la don ka jingsngewsih khyndiat ha u Bah Antonio halor ka jingbym mih kyrteng jong u hynrei imat ba ka dei ka kam ing kam sem jong ka Congress u la shu ong noh ‘kin sa pynbna hi kham hadien, dei ba kim pynbna’.
Haba phai sha ka liang u bah Lambor Mal ngiang, u dei u MDC ka Nongkrem bad u la ialeh ia ka elekshon MLA ha u 2013 na ka seng Congress, hynrei ha ka thup ba nyngkong ka Congress um shym la paw kyrteng. La pyrshang ban iakren bad U bah Malngiang, hynrei ym shym la ioh namar ba ka mobile phone jongu ka lip.
Lah ban kdew ba mynhynnin ka sngi ka Congress ka la pynbna ia ki kyrtong jong ka ki ban ia aireng ha ka elekshon MDC 2014 , hynrei napdeng kiwei pat ki konstitwensi ki la don lai tylli ki konstitwensi kiba kam pat shymg la pynbna ha kaba ar tylli ki ki dei ki konstitwensi ba ka la don lypa ki MDC.