Da ka Cheque kaba T.10 lak ai u nongbatbor

Shillong, 24K’lyngkot:
Uwei u samla rang bah uba la tip kyrteng u Deibor Suchiang uba dei ruh u Secretary Shnong ka Ladrymbai Dongwah la ong ba ula tyrwa da ka Cheque kaba shong dor haduh 10 lak tyngka sha u lok jong kawei ka longkmie kaba ula batbor ha ka 20 tarik mynta u bnai ha ka shnong Lad rymbai Dongwah, u la tyrwa da ka pisa kaba haduh T.10 lak khnang ba kin ym pynpaw pyrthei ia katei ka kam sniew kaba ula leh.
Katkum ka khubor bala ioh na Ladrymbai la iathuh ba utei nonglehkam sniew ula iohlad ban leh ia katei ka kam, katba katei ka longkmie ryngkat bad ka paralok jong ka ki dang wan bylla jied mawsleit (Dewiong) na Moowakhu ha jan ka shnong Dkhiah, kaba u la kit ia ki ha ka lai jong u kaba don ia u nombar MLO4 A 5255.