Ngim kwah pynjah burom ia U Mukul, ngi dawa da ka CBI:UDP

Shillong, 24 K’lyngkot:
Ka UDP ka la shim khia ia ka jingshah kynnoh donkti jong u Myntri Rangbah Dr Mukul Sang ma bad ka seng lehnoh ANVC (B), da kaba pyn shong nongrim katkum ki kot ki sla ba la paw paidbah.
U General secretary ka UDP Bah Allantry F Dkhar u la ong ba ka party kam don kano kano ka jingthmu ban pynjah burom iano iano ne ia u Myntri Rangbah ka jylla.
U Bah dkhar u la ong ba ki dei ban tohkit da ka CBI namar ba ki paidbah ki dei ban tip ia ka jingshishah halor ka jingkynnoh donkti bad ka seng lehnoh.
Shwa ia kane, u Myntri Rangbah u Dr Mukul Sangma u la byrngem ba un leit kiew sha ka iinglieh iingsaw ban dawa baimynrainkhmat pyrshah ia ka UDP bad ka NPP halor ka jingkynnoh jongki ba u donkti bad ki seng lehnoh.
“Ngan sngap shwa mynta shipor. Ngan sa leit rah sha iing Kashari ban ujor pyrshah ia ki sha Kashari lada ki dang bteng ban kynnoh donkti bad ka sen lehnoh”, la byrngem u Dr Mukul.