Rakhe 12 snem ka AMDA

Shillong, 24K’lyngkot:
Ka All Meghalaya Dancer Association, AMDA Central Body kan rakhe ia ka jingdap 12 snem jong ka ha ka 8 tarik u rymphang ha SoSo tham Auditorium ka ban sdang naduh ka por 11 baje mynstep.
Kham ha shuwa ka AMDA ka la pynbeit ban pynlong ha ka 1 tarik u rymphang hynrei na ki daw ki bym lah kiar la pynkynriah tarik noh sha ka 8 tarik.Ka AMDa ka la khot la wer sngewbha ia baroh ki nongshad jong ka jylla ban ia don ryngkat ha katei ka jingrakhe 12 snem. Ha katei ka sngi kin don ki tyngshop ki puron jong ki phlim Khasi, ka jingpyni leh jadu, ki jingpynbyrngia lane pynsam rkhie, ki drama bad yn wan ruh ki nongshad ba pawnam nabar jylla kumjuh ruh baa kane ka jylla , katkum ka kyrwoh ba la pyllait paidbah da u Publicity Secretary u Bah Darwin Lyngdoh.