Nongstoiñ: Ka kynhun ialehkai jong ka Mawkawah SC kala lah ban kamai ia ki 3 point hadien ba kala ioh khur ia ka jingjop ha jingialehkai kaba ar ka jong ka ha ka kyrdan Super Division jong ka lympung Nongstoiñ District Sport Association (NDSA).
Ka nam jop jong ka Mawkawah kala wan hadien ba kala lah ban pynliem noh ia ka kynhun ialehkai jong ka Rambrai FC da 2 kol la 1 kol ha ka jingiakhun pyrshah kaba la long hynnin ka sngi ha ka madan NDSA ha Nongpyndeng.
Ia kitei ki 2 tylli ki kol jong ka Rambrai la ioh ban thep da u Pynkhraw Jana ha ka minit kaba 20 bad u Lenny Kravit Lyngdoh ha ka minit kaba 43 katba ia ka 1 kol jong ka Rambrai pat la ioh ban thep da u Phulding Mawlot ha ka minit kaba 68.
Katba ha ka jingiakhun ha ka kyrdan 1st Division kaba la long ha katei kajuh hi ka sngi ka Khliehmawlieh SC kala ioh ban khur ia ka jingjop kata hadien ba kala lah ban pynliem noh ia ka Steplanglur SC da 2 kol la 0 bad ia kitei ki ar kol la ioh ban thep da u Johnderful Dkhar ha ka minit kaba 50 bad 67.