6 ngut ki MLA, kin ialeh MDC

Shillong,24K’lyngkot:
Katkum ki thup kyrteng jong ki kyrtong ba ki seng bad ki party bapher bapher ki la pyllait paidbah , ki la don haduh 6 ngut ki MLA ki ban ia reng ha kane ka elekshon MDC 2014. Ki 6 ngut ki MLA ba la mih kyrteng ha kane ka elekshon MDC ki long u Bah HDR Lyngdoh na Sohiong Konstitwensi, u kyrtong ka Congress , u Bah Pynshngain N syiem na Mawsynram na ka Congress, u Bah R.V Lyngdoh na Mylliem –Congress, u Bah Ardent M Basaiawmoit , ka HSPDP na Nongkrem, u Bah K.P Pangniang ka HSPDP na Rambrai Jyrngam, u Bah Titosterwell Chyne ka UDP na Sohra. Ki MLa ban ia khun ha ka elekshon MDC ki lah ruh ban poi sha ka 7 ngut lada u Bah Sanbor Shullai ka NCP uba dang long u MDC un ia aireng biang.