18 ngut ha KHADC, 5 ha JHADC sei kyrtong ka HSPDP

Shillong,23K’lyngkot:
Ka Central Election Committee jong ka HSPDP ha ka jingialang jong ka kaba la long mynta ka sngi ka la pynbna sa 9 ngut ki kyrtong jong ka kiba kan pynieng ha ki konstitwensi bapher bapher ha kane ka elekshon MDC 2014.Napdeng kitei ki 9 ngut ba ka HSPDP ka la pynbna myngta ka sngi, 8 ngut ki dei ki kyrtong ki ban ia khun ha KHADC katba uwei pat u dei u kyrtong u ban ia khun ha JHADC. Kham ha shuwa , ka HSPDP ka la pynbna 14 ngut ki kyrtong jong ka ha ka thup kaba nyngkong ha kaba na kitei ki 14 ngut , 4 ngut ki dei ki ban ia iareng ha JHADC katba 10 ngut ki dei ha KHADC. Haba phai sha baroh ki kyrtong kiba ka HSPDP ka la pynbna paidbah ia ka kyrteng jong ki ha ka thup kaba ar ki la don haduh 23 ngut ki kyrtong bad na kitei baroh 18 ngut ki dei ki ban ia khun ha KHADC katba 5 ngut ha JHADC. Shuh shuh katkum ka thup kyrteng ba ka Party ka la pyllait la iohi ba la don tang saw ngut ki kynthei kiba dei ki kyrtong katei ka seng ka kong Grace Kharpuri na Nongshken, ka kong Teilinia Thangkhiew na Mylliem, ka Dr. Fenela Nonglait na Pariong Mawthadraishan bad ka kong Nosi Lyngdoh na Jirang.
Ki 9 ngut ki kyrtong kijba ka seng ka la pyngbna ha ka thup kaba ar jong ka ki long u Shri. Khraw pyrkhat Marwein na Mawhati, Marcus lyngdoh na Umsning, Nolipstar Lyngdoh na Mawkyrwat, ka Dr.Fenela Nonglait na Pariong –Mawthadraishan, u Councellor S Wahlang na Mairang, u LG Nongsiej na Nongstoin, Morningstar Mawsor na Mawshynrut, KP Pangniang na Rambrai –Jyrngam, , Constantine Langstang na Raliang.
Na ka liang u Spoke Person ka HSPDP u Bah Goldenstar Nonglong u la ong ba ki la don bun ki nongpan tiket na ka seng hyngrei haduh mynta ka seng vkam pat lah ban shim ia ka rai ba khadduh bad u la ong ruh ba ka seng kan dang hap ban bishar bniah shuwa ia u kyrtong shuwa ba kan ai tiket da kaba xkynthoh ba ka HSPDP kam dei ka jaka theh nuit tban ai tiket naphang kat ia uba pan. U la ong ba namarba ka seng kam pat lah ban shim rai la khmih lynti ba shen ha ka 1 tarik u rymphang vkan pynbna sa ia ka thup ba lai ki kyrteng jong ki kyrtong.