Shong dum ka Phodkroh bad Mawhati naduh mynshem snem

Shillong,23 K’lyngkot:
Ka KSU Phodkroh ka la dawa na ka MeECL ba kan wan wan noh da uwei u Transformer ha ka shnong Phodkroh bad Mawhati namar ba u la bthei kynsan mynshemsnem ha ka 31 tarik u Nohprah.
U President ka KSU u samla Marcony Thongni bad u General Secretary u samla Wanboklang K.Lyngdoh ki la ong ban a ka liang ka MeECL haba iakynduh myne ki la kular ba kin bujli noh da uwei Transformer kloi. La ong ba naduh katei ka sngi ki la shong khlem light bad kane ka wanrah jingeh ia kitei ki ar tylli ki shnong khamtam ia ki khynnah kiba dang pynkhreh na ka bynta ka eksam jong kika ban sa wan.
Na ka liang jong ka seng ki la dawa ba ka MeECL kadei ban wanrah noh kloi ia u Transformer ba tymmai khnang ba ki paidbah nongshong shnong kin lait na katei ka jingeh khamtam ha ka por mynmiet.