Dawa pyllait ka HANM, ia ki Grade IV ba shah kem

Shillong,23 K’lyngkot:
Ka seng Hynniew trep Achik National Movement(HANM), East Jaintia Hills District ka la pynpaw ia ka ingsngew khia halor ka jingshah kem jong ki samla wad kam Grade IV ha ki pulit Nongstoin, ka HANM ka la kynnoh ba katei ka jingkem ki pulit ia ki samla wad kam ka dei ka jingleh donbor jong ka sorkar bad ka jingiuh roit ia ka hok longbriew man briew ha kaba la kem ia ki tang vna ka daw ba ki shong shah thngan.
Ka kyrwoh na u Ency W Shadap ka la dawa na ka sorkar ba ka dei ban pyllait mardor ia ki 9 ngut ki samla wad kam kiba ki pulit ki la kem , bad ka la byrngem ba lada ym pyllait ia kitei ki 9 ngut ki samla pule ka seng kan shim da ki jingiakhih kiba tyngeh.
“Lada ia ki samla pule ki pulit ki kem balei kim don bor ban kem ia u Dr. Mukul Sangma U ba la kynnoh donkti bad ki seng lehnoh namar kane kam dei ka sorkar jong u Mukul sangma, kane kadei ka sorkar jong u paidbah. lada u dei u ba donburom jong ka jaitbynriew jong ngi u hap ban pyllait mardor iaki to ki samla kiba shah kem namar ki dei kum ki khun jong u hi bad na ka liang ka seng ngi kwah ban ai jingkylli ia u CM ba don burom jongngi lada ki khun jong u kin shah thnang U leh kumno?” la pynkut ka kyrwoh na u president jong ka seng Ency W Shadap.