|
Nongstoiñ: Ki Pulit ka Mairang Police Station, hynne ka sngi kila kem ioh ia u wei u briew u bala tip kyrteng kum u Worsing Lawriniang 37 snem ka arta halor ka jingdonkti ka jong u ban leh beijot iala ka jong ka khun kaba dang 13 snem ka arta.
Katkum ka tyllong khubor na ki pulit la ong ba na ka liang jong ki pulit kila leit ban kem noh ia u tei u briew hadien ba kila ioh pdiang ia ka ehjar na u Sordar ka shnong Mawkohmit u bala leit ujor hynnin ka miet ha kaba iadei bad katei ka jingjia.
Shuh shuh la ong ruh ba ha ka jingtohkit jong ki pulit u tei u briew u ba dei ruh u kpa jong katei ka heprit u la phla ba u la leh ia katei ka kam pap kam sang haduh ar sien hala Iing sah lajong kata ha ka 14 tarik bad ha ka 21 tarik mynta u bnai.
Na ka liang jong ki pulit hadien ba kila lah ban pyndep lut ia ki jingdonkam katkum ka ain kila register ruh ia ka case katkum ka case number 22(11)2018 U/S 5(l)(n)/6 POCSO Act bad ia u tei u briew ki pulit kila phah noh sha Iing bishar (court).
|