Ka Barcelona, kam shym don ia U Lionel Messi, ha ka madan ialehkai, kumba ka Real Madrid, kam shym don ia U Christiano Ronaldo, hynrei U Luis Suarez, ula lah ban pynjop don burom ia ka Barcelona, ha ka jing iakhun hynnin ka miet hapdeng ar tylli kitei ki Club ba khraw nam jong ka Spain, da kaba ka Barcelona, ka la pynliem da 5-1 ia ka Real Madrid bad mynta ka la tam haduh 7 point ia ka Real Madrid bad kaba la lah ban pynthikna ba u nonghikai jongka, U Julen Lopetegui, un lah ban shah weng noh ha ki khyndiat sngi ban sa wan.
U Philippe Coutinho, ula ioh ban thep ia ka kol ha ka minit kaba 11, katba U Suarez, ula ioh ban thep kol da kaba shut penalty ha ka minit kaba 30 bad nangta sa ar tylli ki kol, ha ka minit kaba 75 bad 83, katba U Arturo Vidal, u ioh thep ha ka minit kaba 87.
Na ka liang ka Real Madrid, ka la ioh ban thep shi kol, lyngba U Marcelo ha ka minit kaba 50.