189ngut ki briew, la ngeit ba ki la shu iap ei mynta ka step, haba ka liengsuin Lion Air, kaba kit briew na Jakarta sha ka dewlynnong Pangkal Pinang ha Sumatra, ka la leit hap sha ka duriaw bah, mar ia mih na Jakarta, ong ka khubor.
Kiba ha iing kiba iam pait dohnud hadien ka jinghap ka liengsuin.
Ka liengsuin, ka la dkut noh ka jingiakren bad ki bor pyniaid tang hadien 13 minit, ba ka mih na ka nongbah Jakarta bad ha ka jingwad la lap ba ka leit hap ha ka duriaw bah jong ka Java.
U nongkren jong katei ka kompeni liengsuin, U Sutopo Purwo Nugroho, u iathuh ba ka liengsuin, ka dei ban iaid shi kynta shiphew minit sha katei ka dewlynnong Pangkal Pinang, kaba don ha Sumatra bad ka don 181ngut ki nongleit jingleit, ba kynthup ia uwei u khynnah bad 2ngut ki khyllung bad sa 8ngut ki nongtrei jong ka liengsuin.