Iakynduh paidbah ki heh pulit

Shillong,22K’lyngkot:
U Director General of Police, Meghalaya,  u la wanrah ia ka prokram kaba kyrpang kaba ki paidbah ka jylla ki lah ban ia kynduh markhmat bad ki heh pulit bad ban pyni ia ki jingai jingmut bad ki jingkylli jong ki ia kano kano ka phang ba kim pat shai ha kaba ia dei bad ki pulit. Ha katei ka prokram ka ba yn pynlong ha ka 18 tarik u rymphang 2014, naduh ka por 10 haduh 12 baje mynsngi.
Ha katei ka prokram ki heh pulit ki ban ia kren bad ki paidbah ki kynthup ia 3 ngut ki ADG, 3 ki IGP bad u wei u DIG. Yn pynlong ia katei ka prokram ha 7 tylli ki Police station Sadar Police Station, Laitmukhrah Police Station, Madanriting Police Station, Rynjah Police Station, Laban Police Station, Mawlai Police Station bad Lumdiengjri Police Station.
Ka tnad pulit ka la kyrpad sha ki paidbah ba kin wan ban ia shim byngta ha katei ka prokram bad la ong ruh ba ki paidbah ki long laitluid ban kylli ia kaei kaba ki kwah jingshai na ki pulit kum ha ka jingpyniaid kali, ki kam runar, ka jinglong ki pulit ia ki paidbah bad kiwei pat ki mat.