Shillong:Ka Mylliem ka la rah ia ka nam lahduh ka lumpung 3rd division ka Shillong Sports Association (SSA) kaba long myn hynnin ka sngi. Ka Mylliem ka la pynliem ia ka Umphyrnai da 1-0 kol bad ia kane ka kol la thep da u David kupar Kurkalang ha ka 52 minit.
Ka Mylliem ka la khur T. 20,000 bad ka khusnam katba ka Umphyrnai ka ioh T.10,000 bad ka khusnam.
Ha kawei ka jingialehkai, napdeng kiba duna tam ban kamai point, ka Risa Colony ka la pynliem ia ka Nongrah da 2-0. Ia kine ki kol la thep da u Nicky P Nengnong (35) bad u Kampher Ryngksai (70).
Shuh shuh ha kawei ka jingialehkai, ka Nong-sohphoh ka la pynliem ia ka Rynjah da 3-1. Ia ka Nongsohphoh la thep da u Firestone Mawlot (26), Polin Myrthong (42) bad u John Sangriang (68) katba ia ka Rynjah la thep da u Badonlang Rapsang (2).