“Pynbna kam ha ki khubor Khasi”

Shillong,21K’lyngkot:
Ka FKJGP East Khasi Hills District ka la maham ia baroh ki ophis sorkar la ka long ha ka sorkar jylla ne ka sorkar pdeng ba lada lait kino kino ki kam kim dei ban pynbna tang ha ka employment news ne tang ha ka internet, hynrei ki dei ruh ban ai ka jingpynbna ba iar ha ki kot khubor Khasi khnang ba ki samla nongkyndong kiba la pyndep ia ka jingpule bapher bapher jong ki kin ioh jingtip.
Ka seng ka la shim ia katei ka rai ban kyntu ia ka sorkar ban ai ia ka jingpynbna paidbah kaba iar dei hadien ba ka Institute Hotel Management ,IHM kaba don ha Mawdiang diang ka la pynlong ia ka interview jong ka mynhynnin ka sngi ka 20 tarik u kyllalyngkot. Hadien ba ka seng ka la ioh ia ka jingujor na kiba bun ki samla wad kam ba katei ka Institute kam sym la ai ki jingpynbna baiar ha ki kot khubor ka seng ka la leit ban ia kynduh ia u Principal u katei ka jaka pule ha kaba ha ka jingiakynduh ka la lap ba ki la pynbna tang ha ka employment news bad ha ka internet.
Ki kynhun ka FKJGP hapoh ka jingialam u President Samla Elton C Warjri bad ka FKJGP Mawryngkneng Circle hapoh ka jingialam jong u samla Bristar Mawthoh Vice President  ka la hiar
kyrkieh sha katei ka Institute ban tohkit  na u Principal ban lap ia ka jingshisha,ha kaba ha tei ka jingiakren u Principal u la kubur ba nangne shakhmat un pynbna noh kumba la bthah ka seng.