Ong ka khanasumari 2001 ha Meghalaya 8,778 ngut ki niam tynrai ha West Khasi Hills

Shillong, 20 L’Lyngkot:
Kat kum ka khana sumari jong u snem 2001 napdeng ki nongshong shnong ba don palat 23 lak tam ngut, kiba dang don ha ka niam tynrai ha kane ka jylla Meghalaya ki don tang kumba 267245 ngut.
Hynrei ha ka Khana sumari, ia kiba dang don ha ka niam tynrai, la thoh kum kiwei pat ne (others) khlem da pyni ba ki dei ki niam tynrai.
Ha kane ka khana sumari ba la ioh na ka tnad Census jong u snem 2001 ba la iohlum la tip ba baroh ki nongshong shnong ha kane ka jylla ki don kumba 23 lak tam ngut kynthup bad kynthei bad shynrang.
Na ka 23 lak ngut ki kynthup 1628986 ngut ki kristan, 267245 ki niam tynrai, 307822 ki niam Hindu, 99169 ki Muslim, 4703 ki Buddhist, 3110 ki Sikhs, 772 ki Jains bad 7015 kidei ki bym shym don ha kano kano ka niam.
Ha ka khanasumari la iohi ba tang hapoh East Khasi Hills ki don 403277 ki dei kiba la long Kristan, 110959 ki dei kiba don ha ka niam tynrai, 129373 ngut ki Hindu, 9796 ki Muslims, 2537 ki Sikhs, 2338 ki Buddhists, 364 ki Jains bad 2279 kidei ki bym shym pynpaw ia ka niam ba ki don, katba ha West Khasi Hills ki don 280548 ngut ki kristan, 8778 ki niam tynrai, 5661 ki Hindu, 262 ki Muslim, 23 ki Sikhs, 48 ki Buddhists, 224 ki Jains bad 505 ki bym don niam.
Ha Ri Bhoi 153682 ki kristan, 7175 ki niam tynrai, 29117 ki Hindu, 1306 ki Muslim, 180 ki Sikhs, 151 ki Buddhist, 19 ki jains bad 1160 ki bym don niamkatba ha Jaintia Hills 195196 ki kristan, 87827 ki niam tynrai, 13150 ki hindu, 2236 ki Muslim, 42 ki Sikhs, 213 ki Buddhist, 28 ki Jains bad 416 ki bym don ha kano kano ka niam.
Katba ha West Garo Hills baroh ki don 518390kynthup 282865 ki kristan, 41783 ki niam tynrai, 111528 ki Hindu, 78973 ki Muslim, 252 ki Sikhs, 1430 ki Buddhist, 84 Jains, 1475 bym don niam.
Ha East Garo Hills ki Khristan 222892, niam tynrai 8305, Hindu 14113, Muslim 3829, 41 Sikh, 362 Buddhist, 40 Jain, 1000 bym don niam. South Garo Hills ki Khristan 90526, niam tynrai2418, Hindu 4880, Muslim 2767, Sikh 35, Buddhist 161, Jain 13 bad byn don niam 180.
Ha kawei ka liang haba iakren bad u heh ka tnad Census, u la iathuh ba ia ka khanasumari jong u snem 2011 ba dei jong ki niam, ym pat ioh satia namar ba dang pynkhreh pynkhrum. Une u heh ka tnad Census, u la ong ba kane ka jingpynlait ia ka thup jong ka khanasumari katkum ka jingdon jong ki briew ha ka jingngeit niam, kan shim por bad la kumno kumno, lah ban pyndep ha u snem ban wan.
Lah ban kdew ba ka jingdon jong ki briew ha kane ka jylla katkum ka khanasumari jong u snem 2011, ka la kiew sha ka 29 lak ngut tam kaba ka jingkiew ka la long sha ka 25 percent hapoh kane ka shiphew snem ba la dep. Ka jylla Meghalaya ka la ioh kum ka jylla ba kiew bun eh ki nongshong shnong hapoh kane ka shiphewsnem ba la dep ha ka ri.