Nongpoh: Ka samla Ibapynhun Eve Syiemlieh, na ka shnong Quinine ha Ri Bhoi, kaba dei ruh tang maka ka samla kaba la ioh ia ka lad ban leit iashinbynta ha ka ‘Miss aTourism Queen Worldwide’ kaba dang iaid mynta shakhmat ha ka Ri Philippines, ka la pan jingkyrshan na ki paidbah ha ka jylla, khnang ba katei ka samla kan lah ban jop ha katei ka jingiakop.
Ka jingkyrpad na katei ka samla ia ki paidbah ha ka jylla, ka long ba lada ki kwah lane kyrshan ia ka ban jop ha katei ka jingiakop, ka long ba ki dei ban visit ia ka page jong ka Miss Tourism Queen Worldwide bad sa Like lane Comment bad sa kdew artad ba katei ka samla ka dei kaba la mihkhmat na South India, namar ka dei kaba la shah jied ban mihkhmat na ka Sauth India.