Kyntait ka NCP ba iadei sop sop bad ka Congress

Shillong, 20 K’lyngkot:
Ka NCP Meghalaya ka la kyntait ba ka don ka jingiapynbeit sopsop bad ka Congress ha kane ka elekshon MPban wan.
Haha kren hynne ka sngi Lah u Blei,u president ka NCP u Bah Sanbor Shullai u la kyntait ba ka party kan shim ia kano kano ka rai ban nym pynieng kyrtong na Shillong bad na Tura constituency namar ba ki la don ka jingiasngewthuh jingmut bad ka Congress ha kane ka jylla.
“Kam don kano kano ka khubor ba ka NCP kan iakren sop sop bad ka Congress halor kane ka mat. Haduh mynta, ngim don kano kano ka jingiateh bad ka Congress watla ka party ka kyrshan ia ka sorkar ba ialam da ka Congress da u myntri rangbah u Mukul Sangma”, la ong u Bah Shullai.
Ha kajuh ka por, u president ka NCP u la iathuh ba un leit sha Delhi ban iakynduh ia ki heh ka party kynthup u president u Sharad Pawar bad kiwei ki nongialam ka party ban iakren ia ka elekshon Lok Sabha ban wan.
“Nalor u Pawar, ngan iakynduh ia ki nongialam ba rangbah ka party kynthup u Tarik Anwar bad u Praful Patel ban shim ia ka rai ha kaba iadei bad ka elekshon Lok Sabha ha ka Meghalaya,”, la ong u Bah Shullai.
U la iathuh ruh ba un iakren ia ka elekshon MDC ha kane ka jylla.
“Nga lah rai ban iakhun hi ha ka elekshon MDC namar ka jingkwah jong ki paidbah bad ki nongkyrshan” la ong u Bah Shullai.