Ki pulit, ki la lap ia u bom ha iing jong ka Hillary bad U Bill Clinton ha New York mynta ka sngi, ong ka khubor jong ka Associated Press. Ka kotkhubor New York Times, ka iathuh ba utei u bom, uba la lap na iing ki Clinton, u dei kum uto u bom, uba la lap ha iing jong U George Soros, uwei na ki heh spah jong ka America. La lap ia u bom, katba ki pulit, ki dang peit ia ki shithi, kiba wan poi ha iing ki Clinton.
