U Rahul Gandhi, President jong ka AICC, ula kynnoh mynta ka sngi, ba ka jingweng noh ia U Alok Verma, kum u heh duh jong ka CBI, hynnin shiteng synnia, ka dei namar ba u sdang ban tohkit halor ka kam bamsap ha ka jingthied ia ki jet Rafael.
U Alok Verma bad U Rakesh Asthana
Haba kren ha ka jingialang paidbah ha Jhalawar, mynta ka sngi, U Rahul, ula ong “Kal raat ko pata hai chowkidaar ne kya kiya? CBI ka director Rafale ke kagaz mangata hai (Phi tip kaei kaba la jia hynnin shiteng synnia? U Director jong ka CBI, ula wad ia ki kot ki sla jong ka jing ia thied ia ki jet Rafael … Nga ngeit phi la tip ia ka jingjia jong ka jingthied ia ki jet Rafael”.
Haba pyn kynmaw ia ki ktien jong U Modi, U Rahul, ula ong shuh shuh “Mitron, mujhe pradhan mantra mat banao, mujhe chowkidaar banao (paralok, wat khot ianga u myntri rangbahduh, hynrei u showkiar) bad u showkidar, ula thied liengsuin kaba shongdor T.526 klur, ha ka dor kaba T.1,600 klur bad u showkidar, u buh sa T.30,000 klur ha ka pla jong U Anil Ambani bad hynnin ka miet u showkidar, ula weng noh ia u director jong ka CBI, namar ba ka CBI, ka sdang ban tohkti halor ka jingthie liengsuin Rafael”.
Ha ka tweet jongu, U Rahul, u ong shuh shuh “Ka sur jong u myntri rangbahduh, ka long ba mano mano ba tur shajan ka jing ia soi soskular Rafael, yn weng bad pynjah syndon bad kumta ka synshar paidbah jong ka Ri, ka don ha ka jingma kaba khraw shibun eh”.
Hynnin ka miet ka sorkar India, ka la weng noh ia U Alok Verma bad kumjuh ia U Rakesh Asthana, kiba dei arngut ki heh duh jong ka CBI bad ka la thung bujli da U Nageshwar Rao, uba dei U Joint Director jong katei ka tnat bad U Rao, un dei U Director ba thymmai jong ka CBI.