Plie u MR ka UP ia ka 102 , ka kali kit nongkha khun

Shillong, 19K’lyngkot:
Ha ka 17 tarik mynta u bnai u Myntri Rangbah ka Uttar Pradesh u Sri. Akhilesh Yadav u la plie ia ka 102 Ambulance Service , u la plie ia katei ka kali kit nongpang na ka jaka sah jong u na Lucknow. Ka GVK EMRI mynta ka don 988 tylli ki Ambulance hapoh ka 108 scheme hynrei mynta la pynkhreh ban buh sa 2000 tylli kitei ki kali kit nongpang hapoh ka 102 scheme , katei ka kali ka dei kaba la mang kyrpang na ka byngta ki nongkha khun ha kaba yn wan shaw ia kin a ing sha hospitalbad na hospital yn leit buh biang ia ki sha ing.
Ha katei ka sngi ba la plie ia ka 102 u Mr ka UP u la ai ka jingiaroh halor ka jinglah jong ka 108 ban ai ka jingshakri ia ki paidbah jong ka Uttar Pradesh kiba la ioh shibun ka jingmyntoi na ka. Ha katei ka sngi la ia donlang ruh u Chairman ka GVK Chairman u Dr. GVK Reddy uba la ai jingkren ba ka GVK ka don ka jingthmu ban wanrah ia ki tiar kiba thymmai na ka bynta ban pynthikna ka jingiarap na ka bynta ki paidbah.