|
Nongpoh: Shi bynta ban pynkhreh shwa ka jingiaseng Khasi Jaintia Christian Endeavour Unions (KJCEU) Convention hapoh ka Balang Presbyterian Mawtnum ka ban sa long ha u snem ban wan, hynnin ka sngi Saitjain, ki nongialam shnong ka Mawtnum ha ryngkat u Bah Rocky Marwein ki la leit ban jurip ia ka madan ialehkai ka shnong Mawtnum, na ka bynta ban pynbit pynbiang bad khamtem eh ban pynlong kum ka jaka ban pynlong ia katei ka jingiaseng heh.
Ha katei ka jingjurip ia katei ka Madan, la sakhi da ka jingdon ki nongialam ka shnong Mawtnum, kaba kynthup ia u Bah Nishan Maring, Rangbah shnong, ki dkhot ka Excutive Committee lem bad kiwei kiwei. Hadien katei ka jingjurip, na ka liang u Bah Rocky Marwein, u la kular ban shimkhia ha ka ban pynbha bad ban pynmadan khambha ia katei ka Madan kaba la don lypa bad khamtam ba kan long ksbs bit ba bisng ha ka ban pdiang ia katei ka jingiaseng heh. |
