“U Mukul, u thmu ban pynpra ia ki lai jaitbynriew ka jylla”

Shillong,16K’lyngkot:
U Purno A Sangma u lamphang barim ka Lok Sabha, u la ther tyngeh halor ka jingpynjlan jong ka sorkar hapoh ka jingialam u Myntri Rangbah ka jylla u Dr.Mukul Sangma ia ka jinglong MDC jong ki MDC ha ri-Lum Garo, kaba haduh hynriew bnai katba ha KHADC bad JHADC pat u la pynbna pynjlan tang 15 sngi, u Purno u la kynnoh ba katei ka jingleh jong u Myntri Rangbah ka dei kum ka jingthmu ban wanrah ia ka jing ia pait ia pra ia ka jingiatylli jong ki Kha si,Jaintia bad Garo. U la ong ruh ba ka dei ka jingleh shiliang bad ka jingshim kabu na ka jingdawa ban pynbun ia ki seat MDC. U la ong ruh ba u Mukul u la dei ban shim ia ka rai kaba long ryntih bad kaba ia ryngkat ia baroh lai tylli ki Autonomous district Council, hynrei katei ka jingleh jong u ka pyni ia ka jingshah liang bad katei ka lah ban pynmih ia ka jingsngew pher hapdeng ki lai tylli ki jaitbynriew ka jylla.