Ka jingkynnoh halor ka jingjrong kti kynthei bad bat bor jong ki khlur ak phlim, ki nongthoh khubor bad wat ki riew sain pyrthei, ka iai bteng haduh ha kine ki sngi bad ha kane ka kynti, ka Pooja Misra, kawei na ki nong iakob Bigg Boss, ka kynnoh ba U Shatrughan Sinha lem bad ka lok jongu, ba ki la bat bor ia ka bad nangta ka kynnoh ruh ba U Salman Khan bad nangta ki hynmen jong, U Sohail bad U Arbaaz Khan, ki la bat bor ia ka ha ka hotel ha Delhi, ha ka por ba ring ia ka phlim Sultan.
Ka Pooja Misra, ka ju pynmih ia ki khubor kiba shu thaw bad kiba shu thok bad dang shen, ka la kynnoh ruh ba ha ka por ba ring ia ka phlim Abhi Toh Party Shuru Hui Hai, ka la shah bat bor ha ki lai ngut ki briew ha Jaipur. Kham mynshwa, ka la kam ruh, ba ka la shah bat bor ha kawei ka hotel ha Udaipur, ha ka por ba ka la buaid jawsheh.
Ka Mishra, ka pyni ia ka jingthoh ha ka peij jongka ha facebook, ba ka phah ia ka jing ujor sha ki pulit pyrshah ia U Salman Khan bad U Shatrughan Sinha lem bad kiba ha iing jongka, halor katei ka jingshah kynnoh bat bor.