Ai sanad ia U Syiem Mawsynram

Shillong, 15 K’lyngkot:
U Chief Executive Member (CEM) ka KHA DC Bah Pynshngaiñ N Syiem bad u Bah Lam phrang Blah, Executive Member (EM) ba dei peit ia ka tnad Elaka ki la leit ban ai ia ka Sanad sha u Syiem ka Hima Mawsynram u Bah Amosstar Malngiang uba la shah jied kum u Syiem ba pura jong katei ka hima kaba la long mynta ka sngi ha iingsyiem jong ka Hima ha Mawsynram.
Haba ai jingkren ha katei ka sngi u CEM ka KHADC u la ong haba shim ia ka khet Syiem u dei ban don ka jingkitkhlieh kaba pura ia ka Hima bad ia ki shnong ki thaw ba kin ioh ia ki kam pynroi. Ha ka juh ka por u la kyntu ia u Syiem ba un long uba bishar hok ia ki jingujor na ki khun ki hajar haba don kano kano ka jingbym ia sngewthuh jingmut.
Ha kane ka sngi la iadonlang u Secretary ka Hima, ki Myntri, ki kur Malngiang bad ki Rangbah Shnong ban sakhi ia ka jingphah spong ia ka khet syiem da u CEM ka KHADC kum u Syiem ba pura ka Hima Mawsynram.