7 tarik, yn pynlong ia ka elekshon MP Rajya Sabha

Shillong,14K’lyngkot:
Ka samoi treikam jong ka kong Wansuk Syiem kum ka MP ka Rajya Sabha kan kut noh shen bad ka election Commission ka la pynbna ba ia ka elekshon jied MP Rajya Sabha yn pynlong noh ha ka 7 tarik u Rym phang mynta u snem. Hadien ba ka samoi trei kam ka kong Wansuk kan kut noh ka Ing dorbar Thaw-ain ka jylla kan hap ban pynlong biang ia ka elekshon jied MP thymmai. Ka election Commission ka la pynbna ruh ba katei ka jingjied MP ha katei ka sngi yn pynlong ha baroh 55 tylli ki seat ha baroh kawei ka Ri India bad ia ka Resol yn pynbna ha katei ka juh ka sngi. Lah ban pynkynmaw ba ka samoi treikam ka kong Wansuk kum ka MP Rajya Sabha kan kut noh ha u iaiong mynta u snem.
Nalor ka jylla Meghalaya , kiwei pat ki jylla ki ban pynlong ia ka elekshon jied MP ha katei ka sngi ki kynthtup ia ka Maharashtra kaba don 7 tylli ki seat, ka Tamilnadu 6 tylli, ka Andhra Pradesh 6 tylli, ka West Bengal bad Bihar mar 5 tylli ki seat, ka Odisha bad Gujarat mar saw tylli, ka Assam, Madhya Pradesh bad Rajasthan mar 3 tylli ki seat. Ka Jharkhand , Chhattisgarh bad Haryana ki don mar ar tylli ki seat katba ka Manipur pata kawei kumba long ka jylla Meghalaya. Ka jingthep kyrteng jong ki kyrtong kiba airing ban ia khun ha ka elekshon MP Rajya Sabha kan long ha ka 28 tarik u kyllalyngkot katba ka sngi ban bishar bniah ia ki kot ki sla jong ki ka dei ha ka sngi kaba bud ka 29 tarik .