Nongstoiñ: Hadien ka jingsei soh jong ki 4 tylli ki lympung kiba la ioh ban pynlong ka New Nongstoin Sport Social & Cultural Club (NNSSCC) mynta kala pynkhreh shait shait sa na ka bynta ban pynlong sa ia ka lympung kaba 5 ia kaba yn khot ia ka kum ka 5th NNSSCC Knock Out Football Tournament 2018 -19 ia kaba yn sa pynlong ha madan New Nongstoiñ.
U Bah Kynjai Thongni Publicity Secretary ka NNSSCC haba iakren sha ki nongthoh khubor u la ong ba katei ka lympung yn pynlong ha u bnai Naiwieng 2018 bad ka khusnam kan long da ka song pisa kaba T. 5 lakh tyngka kynthup ia ka khusnam kaba nyngkong bad ka khusnam ba ar .
Shuh shuh u Bah Kynjai u la pyntip ba kino kino kiba kwah ban ia shim bynta ia ki jingtip ba kham bniah kin sngew bha ban phun ia kine ki no 9615069060, 8837455884, 9485164068, 7005763243.