Hadien ka jingshah kynnoh leh shait kynthei, U Sajid Khan mynta ka sngi, ula rai ban iehnoh ia ka kam Director jong ka Housefull 4. “Nga dei ban shim ia ka jingsngew kitkhlieh bad nga ieh noh, na ka kam Director” ong U Khan, ha ka peij twitter jongu. U Sajid, u dei u para jong ka Farah Khan.
U Akshay Kumar, uba dei u aktor pdeng jong katei ka phlim, ula kyntait ban ring ia katei ka phlim, ha kaba u dawa ba dei ban weng noh ia U Sajid Khan, na ka kam Director jong katei ka phlim, ban nym pynthut ia ka jingsngew jong kiba bun balang.
U Khan, ula shah kynnoh jrong kti ha ka Rachel White, kaba dei ka aktress bad nangta sa ka Saloni Chopra, kaba dei ka Assistant Director bad nangta sa ka Karishma Upadhyay, kaba dei ka nongthoh khubor, kiba la sei shabar ia ka jingsngew kaba ki la set kut la bun bun snem, halor ka jingshah leh jrong kti ha U Khan.