Ka phlim U Bah Hamlet

Shillong,12 K’lyngkot:
U Rangbah Shnong ka Laitjem u Bah Ham Warjri u la pyllait paidbah ia ka Documentary Film ba la ai kyrteng ‘Ki Dienjat Sha ki Shlem Pyrkhat’ bad katei ka phlim ka dei kaba la pynbit pynbiang da u bah Hamlet Dohling.Katei ka phlim ka long ruh kum shi bynta na ka bynta ka jingialap elekshon MDC 2014.Ha ka jingkren u Rangbah Shnong u la ai khublei ia u bah Hamlet ba u la wan ban pyllait paidbah ia kane ka phlim ha ka shnong jong u ka ban long ruh kum ka bynta ba kongsan ba ki nongshong shnong ym tang ka shnong Laitjem kin bishar hynrei ki paidbah ruh kin bishar bniah shwa ba kin jied ia ki nongmihkhmat sha ka District Council 2014.
Ha ka jingkren u bah Hamlet u la pynpaw ba ka jingshna ia kane ka documentary film ka long kat kum ka jinglum lang na ki mat treikam ba ka KSU ka la lah ban leh ha kine ki khyndiat snem hapoh ka jingialam u bah Samuel,bah Daniel bad bah Hamlet ha ka ban shakri na ka bynta ka ri bad ka jaidbynriew.Kiei kibala pyni ha katei ka phlim ki long tang khyndiat eh ba la lum thup na ki ba bun ki mat kiba ka KSU ha kine ki khyndiat snem ka la lah ban leh bad u la pynpaw ba u la don ka jingkyrmen ba skhem ba ki paidbah hadien ba ki la dep ban peit bad bishar ia kane ka phlim kin da thew da woh bad bishar bniah ha kaba iadei bad ka jingjied ia ki nongmihkhmat sha KHADC.Ia katei ka phlim ki paidbah ka jylla ki lah ban ioh da kaba kin ia kynduh ia u Bah Hamlet Dohling.