|
Shillong: Ka elaka Tyrna kan pynlong ia ka tamasa jngohkai ne ka village tourism festival ha ka 7-8 tarik u Naiwieng ban wan ha shnong Tyrna.
Kane ka tamasa kan long na ka bynta ban kyntiew ia ka kam jngohkai khamtam na ki jingkieng jri kiba don ha kane eleka, kaba jrong 90 phut kaba lah ban long kaba jrong tam bad kumjuh ban pyniar ia ka lad ioh kam ioh jam ki samla na kane ka kam jngohkai. Haba iadei bad kane, u Sirdar ka eleka Tyrna u bah Donborwel Marbaniang, u la iathuh mynta ka sngi, ba ka Tyrna Eleka ka kynthup ia ki saw tylli ki shnong kynthup ka Tyrna, Mawshamok, Nongthymmai bad Lumsohphie. U la iathuh ba ha kane ka shnong, la thaw ia ka Tourism Management Committee ban peit ban pyniaid ia ki kam ba iadei bad kane ka kam jngohkai. Ia kane ka tamasa yn kyrshan pisa da ka Indian Council Cultural Research (ICCR) hapoh ka jingialam u regional director u Manish Singh. |
