Shillong:U bah Tobias Tiewdop u Secretary barim ka Shella u kwah ba u bah Kondro Ksanlah un khot da ka jingialang paidbah hapoh Shella ban ia kren haba shit ba shai ia baroh ki jingshisha ym ban shu kynthoh lamler ha ki kotkhubor. U bah Tobias u la ong ba ka kynrum kynram hapoh ka Shella Confederacy kam shym la kut shuh la bun snem mynta bad ka daw ka dei na kijuh ki briew kiba wanrah ia katei ka kynrum kynram bad u la kdew ba kitei ki briew ki dei ki 14 ngut kiba ialam da u bah Kondro Ksanlah. U la ong ba ka jingleh jong ki ka la pynlong ia ki longkmie ka Shella ban ym lah shah shuh haduh ba ki la mih paidbah ban khanglad ban pynlong Dorbar naba kim pdiang ba ia ka Dorbar yn khot da u Asstn. Secretary hynrei dei ban khot beit da u Secretary uba pura.