Shillong: Ka seng Congress mynta ka sngi, ka kynnoh ba uwei na ki myntri jong kane ka sorkar MDA, ka byrngem byrsit ia uwei na ki ophisar jong ka sorkar Jylla, tang na ka daw, ba um shym la kohnguh satia ia ka jingbthah ong utei u myntri bad hadien ba ula dep ban mai ha ban da biang, u sa kynriah kam noh syndon ia u.
U Bah HM Shangpliang, MLA jong ka seng Congress, uba dei ruh u nongkren jong ka MPCC, ula ai nuksa, ha kaba U Ma S Laloo, Additional Deputy Commissioner ka Jowai, ula shah mai ha u para jong uwei u myntri sorkar (uba um shym la iathuh kyrteng) bad hadien kata, ula shah kynriah kam, namar ba um shym la kohnguh satia ia ka jingbthah jong utei u para jong u myntri sorkar.
Ka khubor kaba la mih ha ka North East Today mynta ka janmiet, ka iathuh ba la kynriah ia uwei u ophisar na Jowai sha Ampati, katba kum ka jing iathuh jong U bah HM Shangpliang.
Lah ban pyn kynmaw ba U Mukul Sangma, ula thoh sha U Conrad Sangma, ha ki khyndiat sngi ba ladep, ha kaba ula pynpaw ia ka jingsngewkhia jongu, halor ka jing kynriah kam kaba khah khah ia ki heh pulit jong ka Jylla.