Nongpoh:Ka Kyntiewlin Mawphniang kaba dang 19 snem ka rta ka dei ka khun jong ka Kong Kerlinda Mawphniang bad u Bah Bestarland Kharbani kiba shong basah ha ka shnong Mawtnum, Ri Bhoi District, ka la ioh ban rung syndon sha ka phainal ha ka Meghalaya Got Talent 2018, kaba dang iaid mynta ha Nongbah Shillong.
Ka samla Kyntiewlin Mawphniang, ka dei ka samla kaba pule na Christian Higher Secondary School bad na Alpha English Higher Secondary School ha Nongpoh bad mynta ka dang pule ia ka degree ha Synod College, Shillong.
Na ka liang ka Kyntiewlin Mawphniang ha ryngkat bad ki bahaing hasem, ki la khot la wer ia ki paidbah ka them Ri Bhoi District ba kin kner lem ia ki jingkyrshan ia kane ka samla kaban iakhun mynta ia ka phainal jong katei ka jingiakop ha ka 27 tarik mynta u bnai ha nongbah Shillong da kaba thied ia ki coupon ba la sam lyngba ki nongpyniaid jong ka Meghalaya Got Talent bad ruh ban ai ia ki jingkyrshan lyngba ki SMS khnang ba katei ka samla kan poi sha ka thong jong ka jingjop.