Shillong: Ka Sawmer ka la shah pynliem noh ha ka Nangkiewirat da 1-0 kol ha ka jingiakhun kaba long myn hynnin ka sngi jong ka lumpung Shillong Premiere League ha madan Polo, Shillong.
Ia kane ka kol ka jingjop ia ka Nangkiew Irat la thep da u Dame Syih ha ka kyllastep jong ka minit kaba 26, kaba dei ruh tang kane hi ka kol.
Ka jingjop, ka pynlong ia ka Nangkiew Irat ban khur lai point na kane ka jingialehkai.
Ha ka jingialehkai ka 2nd Division, ka Nongthymmai ka la pynliem ia ka Laitlyngkot da 2-1 kol. Ia ka Nongthymmai la thep da u A Marbaniang ha ka 22 minit bad u R J Nongbet ha ka 78 minit katba ia ka Laitlyngkot la thep da u B Rynjah ha ka 56 minit.
Ha ka jingiakhun ka 3rd Division, ka Umphrup ka la shah pynliem ha ka Mylliem da 0-3 bad ia kine ki kol ka Mylliem la thep da u D Kurkalang ha ka 18 bad 62 minit bad u D Nongsteng ha ka 58 minit.