U Shambhu Singh Khetasar, myntri ka sorkar Rajasthan, u leit pi ha kawei ka kynroh, kaba don ruh bad ka dur jong ka Vasundhara Raje, myntri rangbah jong katei ka Jylla bad katei ka jingleit pi jongu, ka la khluit shibun ha ka jing ia pynmih ha ki social media. Katei ka jingjia, ka la jia hajan ka jingialang paidbah jong ka seng BJP ha Ajmer, ha ka Sngi U Blei.
U Khatesar, u iada ialade, halor katei ka jingleh jongu, da kaba ong ba ka dei ka rukom leh, kaba naduh hyndai bad u kyntait ruh ba ka jingleit pi, ka pynjaboh ia ka mariang. Utei u myntri, u kyntait ruh ba u leit pi, hajan ka poster jong ka Vasundhara Raje, hynrei, u iathuh ba katei ka dur, ka don kham sha pajih bad ula ong shuh shuh, ba u hap ban pi hangtei ha kynroh, namar ba kam don ka jaka leit pi paidbah shajan jong katei ka jaka, katba ialade pat, u la sam pi palat, namar ba u bunkam naduh mynstep, ha kaba iaid na kawei ka jaka sha kawei pat.