Nongpoh: Ki Paidbah nongshong shnong ha Killing, Ri Bhoi, ki la pynpaw ia ka jingbitar bad sngewkhia kaba jur halor ka jingbymbiang ka Network mobile ha katei ka thain.
Katkum ka jingiathuh da ki nongshong shnong ka Killing, la iathuh ba mynta la jan Ar Bnai tam, ka Network mobile ha katei ka thain kam shem la long kaba thikna, ha kaba katei ka jingthut ka Network, ka la pynjynjar shikatdei eh ia ki paidbah kiba don ha katei ka shnong, khamtam eh ha ka por ba ki donkam ban phun briew na ka bynta ki kam ba kham kyrkieh.
Ki la iathuh ruh, ba kumba ka long mynta bun na ki briew ki pyndonkam da ka Vodafone bad Airtel, hynrei kumba ka long mynta ki Network jong kitei ki company kim shem la treikam bha satia.
La ong ruh ba wat ha ka por ba don Network, hynrei kam long ban iakren phun bad ym ju don ka jingiakren kaba lah ban pynkut, namar ka jingbymbiang Network.