Shillong: Sawngut ki khynnah skul, ki la kem pang, hadien ba la dep injek Measles Rubella ha North Garo Hills.
Ka kotkhubor The Shillong Times, ka iathuh ba kitei ki khynnah skul, ki dei kiba pule ha Jamgaon Government Lower Primary School bad kitei ki pyni ba ki khynnah, ki ioh ia ki jingpang bapher hadien katei ka injekshon. Kitei ki khynnah, ki long U Aime Momin (6) bad U Rajumoni (9) kiba ujor ba ki kynroh prie bad nangta U Brunith Momin (7) uba ud pang kpoh bad U Nochi Sangma (11) u long kumba suh ba thar. La leit buh ia kitei ki khynnah sha ka CHC, kaba don hangtei hajan, da ka kali 108.