Duh jing ithuh ka Seng Kur Thangkhiew na ka KHADC

Shillong,
8 Kyllalyngkot:
Ha ka 4 tarik u rym phang 2011 ka Seng Kur Thangkhiew ka la ioh ia ka jingithuh na ka Khasi hills Autonomous District Coun cil,KHADC hynrei, katei ka jingithuh jong ka KHADC ka la neh tang kumba shisnem tam ha kaba ha ka 11 tarik u Risaw jong u snem 2012 ka la weng noh ia ka jingithuh ia katei ka seng Kur.
Haba kren sha ki nongthohkhubor, uwei na ki nongialam ka Seng Kur Thangkhiew Lai kpoh u Bah Living stone Thangkhiew uba la bat teng ia ka kam Basan Nongkseh u la ong ba katei ka jingweng noh ka KHADC ia ka jingithuh ia ka Seng Kur ka dei namar ka jingkynshoit jong ar ngut ki briew kiba dei hi ki nongialam ka Seng Kur u Bah Asirshon Thangkhiew bad u Bah E.L Thangkhiew.
Haba la kylli hato na kano ka daw ba ka KHADC ka la weng noh ia ka jingithuh ia ka Seng Kur u Bah Living stone u la ong ‘ka dei na ka jingpynshoi kitei ki 2 ngut’. Haba la kylli pat kaei kaba la pynlong ia kitei ki 2 ngut ban kynshoit ia ka KHADC namarba ma ki ruh ki dei hi hapoh ka Seng Kur Thangkhiew Laikpoh, u Bah Living u la ong ba ka daw bah kaba la pynlong ia ki tei ki 2 ngut bana kynshoit ia ka KHADC ka dei namar ka jingkhynra jong ka seng Kur ia ka Fund jong ka Kur hadien ba la ioh ka jingithuh na ka KHADC. U la ong ba ha shuwa ban Rejistar ban ioh ia ka jingithuh ki ia donlang ha ka juh ka jingmut bad dei hadien ba la ioh ia ka jingithuh na ka liang ka Seng kur ka la sdang ban khynra ia ki Fund bad kiwei pat ki kam tyngka pisa ka Kur. Shuh shuh u la ong ba ka jingkynshoit jong ki ia ka KHADC ka dei namarba ki tieng ioh ba ka Seng Kur kan lap ia ka jingpyndonkam bakla jong ki ia ki jingdon jingem ka Kur.
Kaei kaba sngewlyngngoh ka long ba kumno tang 2 ngut ki lah ban pynkohnguh ia ka KHADC haduh ba kan ym ithuh shisyndon ia ka Seng Kur kaba don da ki spah ngut haba la kylli na u Bah Living bad ka kynhun jong u kaba kynthup ia u Bah Kyrmen Thangkhiew la sngewthuh ba ka daw ka dei ka pisa ha kaba ma ki ki la ong ‘ngi leh ia ki jingdonkam baroh na pla la jong-ngi duna’.
Na ka liang ka kur ka la ia khun halor ka jingpynduh ka KHADC ia ka jingithuh ia ka seng kur ha kaba ka la phah biang ia ka shithi kyrpad ha ka 13 tarik u Risaw 2013 hynrei la bthaha ia ka kur ba kan rejistar hapoh ka Meghalaya Societies registeration Act.