U snem 2014, dei u snem uba bha, ong ka HNLC Bun ki samla, kiba dang shu leit rung dkhot thymmai

Shillong, 7 lyngkot:
Khyndiat bnai myn shwa, ki la don ki samla KSU na Mawlai, kiba la byrngem, ba kin leit ban pyniasoh bad ka seng HNLC, na mar ka jing bitar jongki, ia ka sorkar U Mukul Sangma, ba ka leh mynthi, halor ki mat jingdawa Inner Line Permit (ILP).
Ka dei mynta ka sien, ba ka HNLC, ka myn jur, ba ki la don ki khun samla, kiba dang shu leit ban pyniasoh ialade sha katei ka seng, ha kaba katei ka seng, ka kam, ba ka snem 2014, ka dei ka snem kaba bha ia ka HNLC.
Ka kyrwoh na katei ka seng, ka iathuh ba ba ki don ki dkhot kiba dang shu wan pyniasoh thymmai bad kiba don ha ki tnat treikam bapher bapher. Wat la ym shym la iathuh, la ki don katno ngut, kiba dang shu leit pyniasoh sha katei ka seng, hynrei, ka kyrwoh jong ka HNLC, ka kyrmen namarkata, ba da ka jingdon kine ki samla kiba la nang la sdang bad kiba dang khie dang san, ba kan nang lah ban nang pynkhlain shakhmat bad kan poi sha ka thong jongka, ban ioh ia ki mat jingdawa kiba dei na bynta ki mat bapher, kiba la ju buh da ka seng, ong ka kyrwoh da U bah Sainkupar Nongtraw, Publicity Secretery ka HNLC.