Lah ban ioh ar jur ki riam skul, tang ha ka dor T.400? Ka sorkar Jylla, ka siew sha ki skul SSA

Shillong, 6 K’lyngkot:
Ki khynnah skul kiba hap hapoh ki skul jong Sarva Shiksha Abhiyan (SSA), kin ioh jingiarap pisa kaba T.400 kum ka bai uniform na ka sorkar. Kane ka jingsiew bai uniform ka sorkar yn ai tang ia kito ki skul kiba hapoh ka SSA.
U Mission Director jong ka SSA u Bah FR Kharkongor u la ong ba kane ka jingsiew bai uniform ia ki khynnah skul ka dei T.400 bad tang ki skul ki hap hapoh ka SSA kin ioh ia kane ka bai uniform.
Baroh ki khynnah skul kynthei kin ioh ia kane ka saw spah katba ki khyn nah shynrang kiban ioh kin dei tang kito kiba dei na ki longing baduk ne BPL bad kiba dei ki Sche duled Tribe. U la ong ba ia kane ka pisa, ka sorkar kan aiti ha ki bor pyniaid skul ban sam sha ki kmie ki kpa jong ki khynnah skul bad kin pyniapynbeit kumno ban leh. “Ngi na ka sorkar ngin shu ai beit ia katei ka pisa sha ki bor pyniaid skul bad kin leh ia kaba donkam ryngkat ka jingiapyrkhat lang bad ki kmie ki kpa jong ki khynnah”, la ong u Bah Khar kongkor. U Bah Khar kongor u la pynpaw ba kane ka jingsiew jong ka sorkar T.400 ka long kaba rit eh namar ban ianujor bad ka jingdonkam jong ki khynnah.
U la ong ba ban shim ba ka dei ka jingsiew kam da iahap eh hynrei ka lah ban long tang kum ka jingai jingiarap ia ki kmie ki kpa ban thied ia ki uniform.
“Ka T.400 tyngka kalong tang ban ai jingiarap ia ki kmie ki kpa ha ka liang ka jingduna ia ki uniform skul”, u la ong.
U la iathuh ba kane ka rukom ban sam sha ki khynnah skul, ka la kham treikam bha sha thain Garo Hills, hynrei ha kane ka thain Khasi bad Jaintia ka kham shem jingeh namar ba bun ki skul ki dei ba pyniaid da ki riew shimet, ki kynhun kum ki skul shnong katba sha Garo Hills ki skul dei ba pyniaid ki kynhun niam.
Ki lad khubor, ki iathuh ba katei ka T.400, ka dei na ka bynta ban soh arjur ki Uniform bad kumta, kiba bun ki bor pyniaid skul, kim shym la mynjur satia ban shim ia katei ka pisa, namar ba kam iahap satia, ka jingioh pisa bad ka bai lut, wat tang na ka bynta shijur ki uniform ruh. (ka khubor ba kham bniah halor kane, yn mih biang ha kane ka taiew).