Kyntait u Bah Pathaw ba iadei bad ka seng u Bah Process

Shillong, 06 K’Lyngkot:
U Bah Teibor Pathaw uba iakhun ilekshon ha kane ka snem ba la dep na Mawlai, u la kyntait ba u don ka jingiadei ne pyniasoh bad ka seng MPDF ba ialam da u Bah Process T Sawkmie kumba la paw ha kawei na ki kot khubor (Ym ha u Rupang).
Haba pynlait khubor ha kane ka sngi Nyngkong, u Bah Pathaw u la ong ba ka long kaba pynkyndit ia u ia ka jingmih khubor dang shen ba u la pyniasoh bad ka seng MPDF hapoh ka jingialam u Bah Process. “Kane ka dei kaba bakla, nga kwah ban pynshai ba ngam don jingiadei eiei ruh em bad ka seng u Bah Process”, la ong u Bah Pathaw.
U la ong ba kane ka jingkam ka MPDF ka long tang ban pynsngewthuh bakla ia ki paidbah ka Mawlai bad ban pynthohbria ia u.
“Ngam don jingmut ban pyniasoh bad ka seng hapoh ka jingialam jong ki briew kiba kynriah na kawei sha kawei pat ka jaka bad ki bym don nongrim”, la bynrap u bah Pathaw.