La pynlong ia ka Executive Meeting jong ka seng BVKJWO(CB) myn hynnin ha ophis seng ha Silchar. Ha kane ka jingialang, ka seng ka ieng skhem ia ki jjngiakhih ba la iakhih khamtam ia ka hok jongki ha ki khlaw ki btap bad halor ka jinglong kyrdan rit paid jongki (schedule tribe) ha kaba ki la rai ba kin ia khun haduh ban da jop.
Na ka liang jong katei ka seng, ka la rai ban iakynduh ia ki tnat sorkar bapher, khnang ba kin pyndep kloi ia ki kam sah teng jong ka jaitbynriew Khasi Pnar, ha kaba iadei bad kitei ar tylli ki mat.
La ioh ia shibun ki jingkren ha katei ka sngi, ha kaba iadei bad ka iap ka im jong u khun khasi, uba sah ha Assam. Khaduh U Ma Charles Rymbai, President jong ka seng kmie u ai khublei ia baroh ki nongkitkam, kiba shim bynta ha katei ka jingialang, kiba kynthup ia U Morningstar Suja President ka ksu, ki dkhot ka ksu, ki nongialam ba juh ialam ia ka seng Kmie, naduh U Ma Livingstone Sumer, Ma Obest Suting, Bah Sebastian Pakynteng, Bah Nesly Shylla Bah Bikas Pohdweng bad ia u nongai jingmut jong ka seng, Bah Moses Kharbithai.
