Yn rben u lyoh, ha ki katto katne ki bynta ka Jylla

Shillong, 5 ‘lyngkot:
Mynta ka dei ka sngi kaba khriat, ha kaba ka jingkhriat ka hiar haduh ka 4.5degree Celsius bad ka dei ka sngi kaba dum bha ka bneng bad kaba dum lyoh, wat la ka don ka jingshit jong ka sngi, tang ha ka por mynstep.
Ki bor pyniaid mariang jong ka sorkar India, ha ka jingpynmih khubor mynta ka sngi, ki maham ia ki nongiaid nongieng, khamtam ia ki nongniah kali, ba kan don ka jingrben bha jong u lyoh, ha ki katto katne ki jaka, na ka bynta ki 42 kynta ki ban wan.
Mynta ka sngi, ka don ka jingdum lyoh, ha ki bynta jong ka thain Upper Shillong sha Mylliem bad la ioh khubor, ba ka don ruh ka jingdum lyoh ha ka surok bah ban leit sha Pynursla bad Sohra bad ha katei ka jingkhein jong ka tnat pynmih mariang, la shim, ba kan nang jubor ka jingdum lyoh, ha ki katto katne jaka, ka ban sdang naduh mynta hi ka sngi bad kan dang iai bteng haduh ki 42kynta ban sa wan.