Shillong: U MDC ka Laban-Mawprem konstitwensi u bah Ricky Shullai mynta ka sngi u la rung sha ka seng UDP bad la pdiang sngewbha ia u ha ka jingialang kaba lyngkot kaba la long ha ingsah jong u President rangbah ka UDP u Dr.Donkupar Roy. U bah Ricky Shullai u la jop na ka seng NCP ha ka elekshon MDC shiteng samoi ha u snem 2016 hadien ka jingrisaiñ noh jong u bah Sanbor Shullai namar ka aiñ ar maloi. Hadien ba u bah Sanbor u la phet noh na ka NCP ban leit sha ka BJP, u bah Ricky Shullai ruh u la mih lang na katei ka seng bad u kylla long u MDC shimet hynrei mynta ka sngi u la leit ban rung hapoh ka UDP. Da ka jingrung UDP jong u mynta ka UDP ka don 6 ngut ki MDC ha KHADC.
