Pyrshah jur ka KSU, ba pynjlan por ia U CS

Shillong, 5 ‘Lyng kot:
Ka Khasi Student’s Union (KSU) ka kren pyrshah jur halor ka jing pynjlan shuh shuh ia ka por shongthait jong u Chief Secetary ka jylla u bah WMS Pariat sa kumba 6 bnai.
U General Secretary ka Khasi Stu dent’s Union (KSU) u samla Auguster Jyrwa ula ong “Wei ba ka ia ka la kut ban shongthait ym donkam ban pynjlan ia ka por shongthait namar ba ki dang bun kiwei pat ki ophisar sorkar kiba lah ban shimti ia katei ka kam”.
La ong shuh shuh U bah Jyrwa, ba ka jingpynjlan ka long pynban ka jingkhanglad ia kiwei pat ki ophisar sorkar, ki ban shimti ia katei ka kam. “Ka seng ka ju ieng hi barabor lada dei iano iano ruh wei ba la kut ka por dei ban shongthait bad ka seng ka pyrshah jur ban pynjlan por biang ia uno uno u heh ophisar ban bteng biang ia ka kam kaba u bat”.
“Hato ka sorkar kam don mo ia kiwei pat ki ophisar kiba lah ban shimti ia kane ka kam lane ioh lehse ka don eiei sha lyndet halor kane ka jingpynjlan ia ka por shongthait u Chief Secretary?” ong shuh ka kyrwoh na U bah Jyrwa.
Ka KSU ka kyntu ruh ia kiba don ha ka kam ba shi sien ba la kut ka por ki dei ban shongthait beit, ym ba kin shimti ne bteng biang ia ka kam khnang ba kan ailad pat ia kiwei ban shimti ban pynpaw iala ka jingtbit ha ka jingtreikam namar ba ki dang don shibun ki ophisar kiba lah ban shimti ia kane ka kam.