Mynjur ka Ing dorbar ia ka Rai ban pynrung ia ka ktien Khasi bad Garo ha ka khyrnit ba 8

Shillong: Ka ing dorbar thaw-aiñ ka jylla mynta ka sngi ka la mynjur ia ka Rai ba la wanrah na ka liang ka sorkar ban pynrung ia ka ktien Khasi bad Garo hapoh ka khyrnit ba 8 jong ka Riti Synshar ka Ri. Baroh 60 ngut ki MLA ki la mynjur ia katei ka rai ba la wanrah da u myntri rangbah u Conrad K Sangma. Kiba la ia shim bynta ha katei ka jingiatai ki long u bah H.M Shangpliang, u bah P.T Sawkmie na Mawlai,S.K Sun na Mawphlang, Dr.Mukul Sangma nongialam ka Liangpyrshah bad kiwei pat.