Ioh jamin u OC ka Mawryngkneng na ka kam tuh

Shillong, 03 K’lyngkot:
U Officer In-charge ka Mawryngkneng police station u Ekwin Pala u la ioh jamin na ka Kashari halor ka jingkynnoh ba u donkti ban tuh ia ki tiar na ka trok kaba shong dor T. 20 lak na surok Shillong bye pass ha ka 7 tarik Nai wieng u snem ba la dep.
“U Pala u la ioh ja min na ka Kashari ha ki sngi shwa ka Khrismas”, la ong u heh pulit ha kane ka sngi Thohdieng.
U heh pulit u la ong ba ki pulit kim pat pynngat ha kane ka mukotduma. Lem bad u Pala, kiwei pat ki pulit ba shah kem halor kane ka jingkynnoh donkti ban tuh ki long u Sub-Inspector u Sudarshan Sangma, u langrut u Claip son M Marak bad uba trei ha MPRO (Meghalaya Police Radio Organisation) u Basant Lama.
Ia kitei kiba shha kynnoh la buh ba kin trei ha ka Police station thym mai kaba ha Mawryng kneng kaba jngai kumba 50 km na Shillong. ha ka 7 tarik Naiwieng, kitei ki pulit ki la rahboh ia ka trok kaba kit ia ki tiar kynja rnong ba shong dor haduh T. 20 lak sha ka thain Shillong bye-pass bad hadien ki rahbor ruh ia u nongniah u Saidullah Alam Laskar bad uiwei u Deep Kumar Nath.
Ki pulit ki la ioh kurup ia ka mobile phone jong u nongniah katei ka trok na iing sah u pulit langrut u Claipson M Marak bad ka kali Swift (ML 05 K 8473) ba pyndonkam da ki pulit ban leh ia katei ka kam tuh kam thiem.