Dang ap rai ka ANVC bad ANVC-B na ka sorkar pdeng

Shillong,
3 Kyllalyngkot:
Ka jingiateh kular kaba la dap shisnem pura hapdeng ki lai kynhun ka ANVC, ANVC-B bad ka sorkar ka sah sa tang ka rai ban ioh na ka sorkar pdeng. Kitei ki ar seng lehnoh ki la ia soi ia ka jingtehkular ha ka jingiakren ia suk jong ki bad ka sorkar ban pynkhlain ia ki District Council da kaba kyntiew ia ka jingdon ki MDc na ka 30 ngut sha ka 40. La ong ba ka tei ka jingiateh kaba ka ANVC ka la dawa ha ka por ba ki la wan sha ka miej ka jingiakren bad ka sorkar ka dang ap ia ka rain a ka kynhun Myntri jong ka sorkara pdeng. Lah ban kdew ba katei ka jingiateh ki la ia soi mynshem snem ha ryngkat ka jingiadonlang ki nongmihkhmat na kitei ki ar seng lehnoh, ki nongmihkhmat na ka sorkar jylla bad ka sorkar pdeng bad kumjuh ruh la ia don ryngkat lang ka tnad ka kam pohing ka sorkar pdeng.
Kham ha shuwa ia katei ka jingdawa ka la ANVC ka la dawa na ka sorkar ban thaw ia ka Garoland Autonomous Council (GAC) hynrei ka sorkar ka la kyntait da kaba ong ba ha ka jaka ban thaw ia katei ka GAC kan kham bha ba kan pynkhlain shuh shuh ia ka Garo Hills Autonomous District Council (GHADC) kaba la don lypa. Haduh mynta ka rai ba khadduh na ka bynta ban kyntiew ia ka jingdon ki MDC ka dang sah ha ka sorkar pdeng.